பத்தாம் : வகுப்பு
செய்யுள் இயல் : மூன்று
காசிக்காண்டம் - அதிவீரராம பாண்டியர்
1 . தமிழரின் விருந்தோம்பல் பற்றி எழுதுக.
விருந்தோம்பலின் முதல்நிலை மகிழ்வித்து மகிழ்தலே ஆகும்.
தமிழரின் தலைசிறந்த அறம் விருந்தோம்பல் ஆகும் .
இல்லறம் காண்பதும் விருந்தோம்பல் என்னும் நல்லறம்
செய்வதற்காகவே ஆகும் . விருந்தினரை வரவேற்கும் ஒன்பது முறைகள்
பற்றிக் காசிக்காண்டம் எனும் நூலின்வழியாக அதிவீரராம பாண்டியர் விளக்கி உள்ளார்.
2 அதிவீரராம பாண்டியர் பற்றிய செய்திகளை எழுது?
பாண்டியநாட்டின் அரசராகஇருந்தவர் அதிவீரராம பாண்டியர் . நல்ல புலவராகவும் விளங்கியுள்ளார்.தமிழ்ச்சங்கம் வைத்துத் தமிழ் வளர்த்த பெருமை உடையது பாண்டிய நாடு. அவருக்குச் சீவலமாறன் என்ற சிறப்புப் பெயரும் உண்டு. காசிக்கண்டம் என்னும் நூலை எழுதிய பெருமைக்கு உரியவர். காசிமாநகரின் ( வாரணாசி ) பெருமைகளையும் இந்நூலில் கூறியுள்ளார். இது வாழ்வியல் அறங்கூறும் நூலாகும். இப்பாடல் இல்லொழுக்கம் கூறிய பகுதியில் உள்ள 17- வது பாடலாக அமைந்துள்ளது. விருந்தினரை வரவேற்கும் முறைகள் குறித்து பாடலில் விளக்கமாகக் கூறியுள்ளார் .
அதிவீரராம பாண்டியர் எழுதிய நூல்கள்
1. காசிக்காண்டம்.
2. வெற்றிவேட்கை எனும் நறுந்தொகை.
3. நைடதம்.
4. லிங்க புராணம்.
5.வாயு சம்கிதை.
6.திருக்கை அந்தாதி.
7.கூர்ம புராணம்.
3. விருந்தினரை வரவேற்றல் குறித்துக் காசிக்காண்டம்கூறுவது யாது ?
1. அவர்களின் உயர்ந்த குணங்களை வியந்து உரைத்தல்.
2, நல்ல சொற்களை இனிமையாகப்பேசுதல் .
3. முகமலர்ச்சியுடன் அவரை நோக்குதல் .
4. வீட்டிற்குள் வருகவென வரவேற்றல் .
5. அவர் எதிரில் நிற்றல் , இருத்தல் .
6. அவர்களின் மனம்மகிழும்படி பேசுதல் .
7. அவர்களின் அருகில் அமர்ந்து கொள்ளுதல் .
8. விடைபெற்றுச் செல்லும்போது வாயில்வரை பின்தொடர்ந்து செல்லல் .
9. புகழ்ச்சியாக முகமன் கூறி வழியனுப்புதல் .
இவ்வாறு விருந்தினரை வரவேற்கும் ஒன்பது முறைகள் குறித்துப் பாடலில் விளக்கமாகக் கூறியுள்ளார் அதிவீரராம பாண்டியர்.
தமிழன் என்று சொல்லடா....!! தலை நிமிர்ந்து நில்லடா..!!
அன்புடன்
உங்கள் அன்பின் அன்பன்...!
அன்புச்செல்வன் பழ .
9444892969
வாழ்க வளமுடன் ..! வாழ்க வையகம் ..!!
ponanbu
Comments
Post a Comment