செய்தியறிக்கை: தேதி : 18.08. 2022 - ஜென்மாஷ்டமி விழா.

               பள்ளியின் பொன்விழா ஆண்டு  மற்றும் ஜென்மாஷ்டமி விழா 

செய்தியறிக்கை: 

 தேதி  :   18.08. 2022  

நாள் :    வியாழக்கிழமை

நிகழ்ச்சி :

    பொன்விழா ஆண்டு மற்றும்  ஜென்மாஷ்டமி விழா.

இடம் :

கோலப்பெருமாள்    செட்டி  வைணவ  நடுவண்  மேனிலைப்பள்ளி வளாகம். 

சென்னை - அரும்பாக்கம்.  

                                இந்தியப்  பண்பாட்டையும் , கலை மற்றும் கலாச்சாரத்தை  மாணவர்கள்   மனங்களில் பதியச்  செய்வதையே நோக்கமாகக்கொண்டு விழாக்கள்  ஆண்டுதோறும் மிகச் சிறப்பாகக்  கொண்டாப்பட்டு வருகிறது.  இந்த ஆண்டு மண் வளம்  காப்போம்  என்பதையே மையப்பொருளாகக்கொண்டு பள்ளியின் ஆண்டுவிழா மற்றும் ஜென்மாஷ்டமி விழா கொண்டாடப்பட்டது. 

                                   தமிழ்த்துறையின் சார்பில் " ஜென்மாஷ்டமி - கோகுலாஷ்டமி ' எனும் கண்ணன் பிறந்தநாள் விழா மூன்று நாட்கள்  மிகச்சிறப்பாகக் கொண்டாடப்பட்டது . விழாவிற்குச் சிறப்புச் செய்யும் விதமாகத்  திருக்குடந்தை திருமிகு. மருத்துவர். உ.வே . வெங்கடேஷ்  அவர்கள் ஆகஸ்ட்டு  16 , 17 - ஆகிய இருதினங்கள் மாலை 3 மணி முதல் 5 மணி வரை "  கிருஷ்ணனின்  திருவிளையாடல்கள்  "  எனும்  தலைப்பினில்  சிறப்புச் சொற்பொழிவினை நிகழ்த்தினா ர்கள். மகா விஷ்ணுவின் திருவதாரமான கண்ணனின் விளையாட்டுகள்   நமக்கு உணர்த்தும் உயர்ந்த பொருளை   அனைவரும்  எளிதில் விளங்கிக் கொள்ளும் விதமாக மிகச்சிறப்பாகச்   சொற்பொழிவாற்றினார்.

                   மூன்றாம் நாள்  நிகழ்வு மாலை 5 மணி அளவில் தொடங்கியது. விழாவிற்குத் தலைமையேற்றுச்  சிறப்பித்தார், பள்ளியின் சீர்மிகு நிர்வாகி  திருமிகு. கோபால் ஜி அகர்வால் அவர்கள். விழாவிற்கு முன்னிலை வகித்தார்,  நம் பள்ளியின் செயலர் மற்றும்  தாளாளர் திருமிகு . ஹித்தேஷ் கன்னோடியா அவர்கள். மூன்றாம் நாள் நிகழ்விற்குச்  சிறப்பு விருந்தினராக , சொற்பொழிவாளர் திருக்குடந்தை திருமிகு. மருத்துவர். உ.வே . வெங்கடேஷ்  அவர்கள் வருகை  தந்து சிறப்பித்தார். மேலும் விழாவிற்குப்  பெருமை சேர்க்கும் விதமாக, மேனாள்   அமைச்சர் ( பத்திரப்  பதிவுத்துறை )  திருமதி. கோகிலா இந்திரா அவர்கள் சிறப்புரை ஆற்றி  விழாவிற்குப்  பெருமை  சேர்த்தார்கள். நமது பள்ளியின் முன்னாள் மாணவரும் , சிறந்த டேபிள் டென்னிஸ்  விளையாட்டு வீரரும், மத்திய அரசின் விளையாட்டு வீரர்களுக்கான  உயரிய விருதான  அர்ஜுனா விருது பெற்றவருமான  திருமிகு . சத்யன் அவர்கள் விழாவிற்கு வறுமை தந்து சிறப்பித்தார். ஆங்கிலத்துறையின்  சார்பில் மண் வளம் காப்பதன் அவசியம் குறித்த விழிப்புணர்வு நாடகத்தையும் , நடனத்தையும் சிறப்பாக வழங்கினர். எதிர்காலத்தில் மண்ணையும்  பணம்  கொடுத்து  வாங்க வேண்டிய  சூழ்நிலையினைத் தடுப்பது நம் ஒவ்வொருவருடைய கடமை  என்பதையும் , மண்  வளம் காப்பதன் அவசியத்தையும்  மிக அழகாக உணர்த்தினார்கள்.

                    தமிழ்த்துறையின் சார்பில் " குவலயம் காத்த கூர்மம்  " எனும் கண்ணனின் திரு அவதாரமான  கூர்ம அவதாரத்தினை  நாடகமாக வழங்கினர். உண்மையான பக்தியினால் இறைவனின் அன்பைப் பெறலாம் என்பதனையும், உயர்ந்த பக்தியே  என்றென்றும் மக்களையும் , மாநிலத்தையும் காக்கும் என்பதையும் மாணவமணிகள்  மிகவும் அழகாக நடித்துக்காட்டினர் .  சிறப்பாக  நடித்த எட்டு மாணவமணிகளுக்குப்   பாராட்டும் பரிசும் வழங்கிச் சிறப்பித்தனர் . மேலும்  , கடந்த கல்வி ஆண்டில் சிறப்பாகப் பயின்ற மாணவர்களுக்கும் ,  சிறந்த நன்னடத்தை  உடைய மாணவர்ளுக்கும்  பரிசு வழங்கிச் சிறப்பித்தனர் .. 

                                            விழாவில் கலந்துகொண்ட  சிறப்பு விருந்தினர்கள்  , தலைசிறந்த பள்ளியின் நிர்வாகிகளையும்  அவர்களது கல்விப்  பணியையும் , கலை, கலாச்சாரம் , பண்பாடு வளர்க்கும் பள்ளியின் செயல்பாடுகளையும் பாராட்டிப் பேசினார். விழாவிற்கான  அனைத்து   ஏற்பாடுகளைச்   செய்து  நிகழ்ச்சிகளைச்  சிறப்பித்த , முதல்வவர்  திரு. இ ராமசுப்ர மணியம்  அவர்களையும்  , ஒருங்கிணைப்பாளர் திருமதி . சசிகலா அவர்களையும் மனமகிழ்ந்து   வாழ்த்தினர்  .    மாணவ மணிகளையும் அவர்களது அறிவுமேம்பாட்டின் அவசியத்தையும், கலைகள் பற்றிய அறிவின் தேவையினையும  விளக்கியதோடு   மாணவர்களையும் பாராட்டினர் . ஜென்மாஷ்டமி மூன்றாம் நாள் விழா மங்கலத்துடன் இனிதே நிறைவடைந்தது.   

                                                                                                                   முதல்வர். 

 

 

 

 

                                                                            

 

முதல்வர் . திருமிகு. இராமசுப்ரமணியம் அவர்கள் .

 

 

 "    குவலயம் காத்த கூர்மம்     "

நாடகம். 

சுபம் . 

ponanbu